ນີ້ແມ່ນເພື່ອພວກເຮົາທຸກຄົນ

ໃນປະເທດສະຫະຣັດອາເມຣິກາ, ຊຸມຊົນຂອງຊາວອາຟຣິກັນອາເມຣິກັນ ແລະ ຊາວລາຕິນໂນ ໄດ້ຮັບຜົນກະທົບຈາກການລະບາດໃຫຍ່ ໂຄວິດ-19 ຢ່າງຮ້າຍແຮງກວ່າຊຸມຊົນອື່ນໆ. ຫຼາຍຄົນເຮົາໄດ້ເສຍສຸຂະພາບ, ເສຍການງານ, ແລະເສຍຄົນຮັກຂອງເຮົາ ໃນປີທີ່ຜ່ານມາທີ່ແສນຍາກລຳບາກ. ໃນເມືອງແອລຈິນນີ້, ພວກເຮົາຢາກສ້າງຄວາມໝັ້ນໃຈວ່າ ຄອບຄົວຊາວອາຟຣິກັນອາເມຣິກັນ, ຊາວລາຕິນໂນ, ແລະຊາວລາວ ໄດ້ຮັບຂໍ້ມູນຄົບຖ້ວນທີ່ກ່ຽວກັບການສັກຢາປ້ອງກັນ (ວັກຊີນ). ເຖິງເວລາທີ່ເຮົາຄວນຮັກສາຕົວເຮົາເອງແລ້ວ.

ຖ້າຫາກທ່ານມີຄຳຖາມ, ບໍ່ເປັນຫຍັງ! ຈົ່ງຮູ້ໄວ້ວ່າ ຍັງມີຄົນທີ່ພ້ອມທີ່ຈະຊ່ວຍເຫຼືອທ່ານສະເໝີ!

YWCA

YWCA

ໂທເບີ: 773-600-2544

ເຂົ້າເວັບໄຊທ໌: http://www.ywcaelgin.org/our-work/covid-19/

Gail Borden Library

ຫໍສະໝຸດ Gail Borden

ໂທເບີ: 224-765-7370

ເຂົ້າເວັບໄຊທ໌: www.gailborden.info/covidhelp/

Ecker Center Promotoras

Ecker Center Promotoras

ໂທເບີ:224-795-9803

ກົດສະຖານທີ່ແຫ່ງໜຶ່ງຢູ່ເບື້ອງລ່າງນີ້ ສຳລັບຂໍ່ມູນກ່ຽວກັບການສັກວັກຊີນ ໂຄວິດ-19 ສະເພາະສະຖານທີ່ແຫ່ງນັ້ນ.

Advocate Sherman Hospital

1425 N Randall Rd, Elgin, IL 60123

(847) 742-9800

Greater Family Health

VNA Health Care

801 Villa Street Elgin, IL 60120

(630) 892-4355

St. Joseph Hospital

77 N. Airlite St. Elgin, IL 60123

847.695.3200

ຂ້ອຍຮູ້ສຶກກັງວົນກັບການສັກວັກຊີນ.
ພວກເຮົາເຂົ້າໃຈວ່າບາງຄົນອາດຈະວິຕົກກັງວົນກັບການສັກວັກຊີນ. ນີ້ແມ່ນຄັ້ງທຳອິດທີ່ພວກເຮົາຕ້ອງປະເຊີນກັບສະຖານະການແບບນີ້ໃນຊີວິດຂອງພວກເຮົາ. ແລະຍັງມີເຫດການໃນປະຫວັດສາດທີ່ຣັດຖະບານຂອງພວກເຮົາແລະລະບົບສາທາລະນະສຸກ ໄດ້ເອົາປຽບຊຸມຊົນສີຜິວມາກ່ອນ. ທັງໝົດນີ້ ສາມາດສ້າງຄວາມບໍ່ໄວ້ວາງໃຈແລະຄວາມກັງວົນໄດ້. ພວກເຮົາເຊື່ອວ່າ ການສັກວັກຊີນ ໂຄວິດ-19 ແມ່ນວິທີທີ່ດີທີ່ສຸດ ໃນການສະກັດກັ້ນການລະບາດໃຫຍ່, ປົກປ້ອງປວງຊົນຈາກການເຈັບປ່ວຍຕາຍເສຍ, ອະນຸມັດການເຕົ້າໂຮມກັນກັບຄົນທີ່ເຮົາຮັກແພງອີກຄັ້ງ, ເປີດໂຮງຮຽນແລະກິດຈະການຕ່າງໆ ອີກຄັ້ງ, ແລະກັບເລີ່ມໃຊ້ຊີວິດເໝືອນເດີມໄດ້. ແລ້ວພ້ອມດ້ວຍການປົກປ້ອງຕົວເຮົາແລະຄົນຮັກຂອງເຮົານັ້ນແລ້ວ, ການສັກວັກຂີນກໍໝາຍຄວາມວ່າ ເຮົາສາມາດກັບໄປເຮັດສິ່ງທີ່ເຮົາຄິດຮອດຢ່າງສະບາຍໃຈໄດ້. ທ່ານບໍ່ຄວນຊັກຊ້າເລີຍ!
ມັນເບິ່ງຄື່ວ່າໄວເກີນໄປໂພດ. ວັກຊີນນີ້ ຜະລິດໄວຂະໜາດນີ້ ໄດ້ຈັງໃດ?
ຂະບວນການໆ ຜະລິດວັກຊີນ ໂຄວິດ-19 ລວມທັງທຸກຂັ້ນຕອນໂດຍປົກກະຕິ--ບໍ່ມີການຂ້າມຂັ້ນຕອນອັນໃດເລີຍ. ຂະບວນການຄັ້ງນີ້ ມີຄວາມວ່ອງໄວກວ່າທີ່ພວກເຮົາຄາດຄະເນຍ້ອນສາເຫດດັ່ງຕໍ່ໄປນີ້:

  • ນັກວິທະຍາສາດແລະຜູ້ຊ່ຽວຊານທາງດ້ານສາທາລະນະສຸກທົ່ວໂລກ ຮ່ວມມືກັນຕັ້ງໃຈຜະລິດວັກຊີນໃນເວລາດຽວກັນ. ເຫດການດັ່ງນີ້ບໍ່ເຄີຍມີມາໃນປະຫວັກສາດຂອງເຮົາເລີຍ. ບໍລິສັດຕ່າງໆ ຜະລິດຫຼາຍລ້ານເຂັມສັກວັກຊີນ ໃນຂະນະດຽວກັນກັບຊ່ວງເວລາທີ່ມີການທົດລອງທາງດ້ານການຊ່ວຍ--ໂດຍວິທີນີ້ ພວກເຮົາຈຶ່ງບໍ່ຈຳເປັນຕ້ອງຖ້າການຜະລິດວັກຊີນ ຈົນກວ່າການທົດລອງທາງດ້ານການຊ່ວຍສິ້ນສຸດກ່ອນ.
  • ນັກວິທະຍາສາດບໍ່ໄດ້ເລີ່ມຕົ້ນໂດຍບໍ່ມີຫຍັງເລີຍ. ພວກເຂົາໃຊ້ຄວາມຮູ້ຈາກການລະບາດໃຫຍ່ ເຊື້ອໄວຣັສໂຄໂຣນາອື່ນໆ ໃນອະດີດ ເຊັ່ນ SARS ໃນປີ 2003 ແລະ MERS ໃນປີ 2012 ໃນການເຂົ້າໃຈດ້ານວິທະຍາສາດເບື້ອງຫຼັງຂອງຂະບວນການຂອງວັກຊີນ ໂຄວິດ-19.
ວັກຊີນ ໂຄວິດ-19 ເຮັດງານດີປານໃດ?
ທັງສາມວັກຊີນທີ່ມີຢູ່ດຽວນີ້ ມີປະສິດທິພາບຢ່າງສູງໃນການສະກັດກັ້ນການປ່ວຍໜັກຍ້ອນຕິດເຊື້ອ ໂຄວິດ-19, ການຕ້ອງນອນໂຮງໝໍ ແລະການຕາຍເສຍ. ຂໍ້ມູນທີ່ໄດ້ມາຈາກການທົດລອງທາງດ້ານການຊ່ວຍຊີ້ໃຫ້ເຫັນວ່າ ວັກຊີນ ໂຄວິດ-19 ຂອງ Pfizer ແລະ Moderna ມີປະສິດທິຜົນເຖິງ 95% ໃນການສະກັດກັ້ນການຕິດເຊື້ອ ໂຄວິດ-19. ວັກຊີນ ໂຄວິດ-19 ຂອງ Johnson & Johnson, ເຂັມດຽວ, ມີປະສິດທິຜົນເຖິງ 86% ໃນການສະກັດກັ້ນການເຈັບປ່ວຍຮ້າຍແຮງຫຼືການຕາຍເສຍຈາກ ໂຄວິດ-19. ວັກຊີນມີປະສິດທິຜົນຕໍ່ທຸກເພດ, ທຸກຄົນສີຜົວ ແລະທຸກເຊື້ອຊາດ. ນີ້ແມ່ນຂ່າວດີອີ່ຫຼີ!
ວັກຊີນ ໂຄວິດ-19 ປອດໄພບໍ?
ຫຼາຍຮ້ອຍລ້ານເຂັມຂອງວັກຊີນ ໂຄວິດ-19 ໄດ້ຖືກສົ່ງອອກໄປທົ່ວສະຫະຣັດອາເມຣິກາ ໂດຍມີຂ່າວສ່ວນໜ້ອຍວ່າຄົນມີຜົນຂ້າງຄຽງແບບຮ້າຍແຮງ. ນັກວິທະຍາສາດທີ່ສູນຄວບຄຸມພະຍາດ Centers for Disease Control (CDC) ແລະ FDA ຈະສຶກສາຜົນຂອງການທົດລອງຂອງການສັກວັກຊີນຕໍ່ເນື່ອງໄປເລື້ອຍໆ ກ່ອນທີ່ຈະອະນຸມັດວັກຊີນໃດໆ ເພື່ອອອກນຳໄປໃຊ້ກັບປະຊາກອນທົ່ວໄປ.

ຕໍ່ຈາກການທົບທວນຄວາມປອດໄພ, ທັງ FDA ແລະ CDC ໄດ້ແນະນຳວ່າ ເຂັມດຽວຂອງວັກຊີນ Johnson & Johnson ຄວນນຳມາໃຊ້ໄດ້ເໝືອນເດີມ. ການໃຊ້ວັກຊີນຂອງ Johnson & Johnson ຖືກຍົກເລີກຊົ່ວຄາວ ເພື່ອໃຫ້ນັກວິທະຍາສາດສຶກສາ ເຫດການທີ່ 15 ຄົນ ມີອາການເລືອດກ້າມ ໃນຈຳນວນ 8 ລ້ານຄົນ ທີ່ໄດ້ຮັບວັກຊີນນັ້ນແລ້ວ. ຫຼັງຈາກການທົບທວນນີ້ ນັກວິທະຍາສາດເຊື່ອວ່າຜົນປະໂຫຍດທີ່ອາດຈະປົກປ້ອງຊີວິດປວງຊົນໄດ້ ຂອງວັກຊີນ Johnson & Johnson ເກີນດຸນຄວາມສ່ຽງທີ່ຮູ້ວ່າມີ ຫຼືຄວາມສ່ຽງທີ່ອາດເປັນໄປໄດ້. ນັກວິທະຍາສາດແລະທ່ານໝໍເກັ່ງໆ ໝັ້ນໃຈວ່າ ວັກຊີນນີ້ປອດໄພດີແລະມີປະສິດທິພາບໃນການສະກັດກັ້ນ ໂຄວິດ-19. ສິ່ງສຳຄັນທີ່ເຮົາຄວນຈື່ໄວ້ ແມ່ນການສ່ຽງກັບຜົນຂ້າງຄຽງແບບມີເລືອດກ້າມນັ້ນ ຈະຕໍ່າກວ່າ 1% ແຕ່ການສ່ຽງກັບຜົນຂ້າງຄຽງແບບມີເລືອດກ້າມ ຈາກການຕິດເຊື້ອ ໂຄວິດ-19 ຈະສູງກວ່າ 16.5%. ຂໍ້ມູນນີ້ແມ່ນສ່ວນໜຶ່ງຂອງເຫດຜົນທີ່ CDC ແລະ FDA ແນະນຳໃຫ້ພວກເຮົານຳເອົາວັກຊີນມາໃຊ້ອີກເໝືອນເດີມ.

ສະຖານທີ່ສ່ວນຫຼາຍມີວັກຊີນທັງສາມໃຫ້ສັກ: Pfizer, Moderna ແລະ Johnson & Johnson. ທ່ານສາມາດເລືອກວ່າທ່ານຢາກສັກວັກຊີນແບບໃດລ່ວງໜ້າ ຕອນທີ່ທ່ານນັດໄປສັກວັກຊີນ.

ວັກຊີນແບບໃດ ດີທີ່ສຸດ?
ວັກຊີນທີ່ດີສຸດນັ້ນ ແມ່ນວັກຊີນທີ່ສະດວກທີ່ສຸດສຳລັບທ່ານ. ສຳຄັນສຸດກໍແມ່ນການໃຫ້ທຸກຄົນໄດ້ສັກວັກຊີນ ໃຫ້ໄວເທົ່າທີ່ຈະໄວໄດ້. ວັກຊີນທັງສາມທີ່ມີໃຫ້ພວກເຮົາໃຊ້ນັ້ນ ມີປະສິດທິພາບໃນການສະກັດກັ້ນ ການເຈັບປ່ວຍຮ້າຍແຮງຈາກການຕິດເຊື້ອ ໂຄວິດ-19, ການຕ້ອງນອນໂຮງໝໍ ແລະການຕາຍເສຍ.
ວັກຊີນອາດຈະມີຜົນຂ້າງຄຽງຫຍັງແດ່?
ຜົນຂ້າງຄຽງທີ່ຄົນທີ່ໄດ້ສັກວັກຊີນ ໂຄວິດ-19 ສ່ວນຫຼາຍ ມີ:

  • ອາການເມື່ອຍເພຍ ແລະ ປວດຫົວ
  • ອາການປວດກ້າມເນື້ອ ຫຼື ຄໍ່ກະດູກ
  • ອາການເປັນໄຂ້ ປວດຄີງ ຫຼືໃຄ່ບວມຢູ່ບ່ອນຈຸດສັກນັ້ນ (ຢູ່ແຂນເທິງ)

ຄົນສ່ວນຫຼາຍລາຍງານວ່າຜົນຂ້າງຄຽງ ຈະສັງເກດເຫັນໄດ້ຫຼາຍກວ່າ ຕອນສັກວັກຊີນເຂັມທີ່ສອງ (ຖ້າເຮົາເລືອກສັກຢາວັກຊີນທີ່ຕ້ອງສັກສອງເຂັມ). ທຸກຜົນຂ້າງຄຽງຈະຫາຍໄປພາຍໃນມື້ໜຶ່ງສອງມື້.

ຂ້ອຍບໍ່ສັກວັກຊີນ ແລະຖ້າໃຫ້ຈຳນວນຄົນໆ ອື່ນພໍສົນຄວນ ສັກແລະບຳຣຸງພູມຕ້ານທານຂອງເຂົາເຈົ້າກ່ອນໄດ້ບໍ?
ໂຄວິດ-19 ແມ່ນໂຣກພະຍາດທີ່ໜ້າເປັນຫ່ວງ, ເຖິງມີການເສຍຊີວິດກໍເປັນໄປໄດ້, ແລະບໍ່ມີທາງທີ່ຈະຮູ້ວ່າເຊື້ອໄວຣັສນີ້ ຈະກະທົບຕົວຕົນຂອງເຮົາຈັງໃດໄດ້. ເຖິງແມ່ນວ່າທ່ານຈະຕິດເຊື້ອໄວຣັສແລະບໍ່ມີອາການຮ້າຍແຮງ, ທ່ານຍັງສາມາດເຜີຍແຜ່ພະຍາດນີ້ ໃຫ້ໝູ່ເພື່ອນ, ຄອບຄົວ, ແລະຄົນອ້ອມຂ້າງທ່ານ. ໂຄວິດ-19 ໄດ້ພິສູດໃຫ້ເຮົາໄດ້ເຫັນວ່າ ພະຍາດນັ້ນ ມີອາການຮ້າຍແຮງຫຼາຍກວ່າອາການທີ່ມາຈາກຜົນຂ້າງຄຽງຂອງວັກຊີນ ໂຄວິດ-19. ດັ່ງນັ້ນ ວັກຊີນເປັນຕາສ່ຽງຫຼາຍເທົ່າ. ຜູ້ຊ່ຽວຊານທາງດ້ານສາທາລະນະສຸກກ່າວວ່າ ຈະເກີນປີ 2021 ຈົນກວ່າຄົນຈຳນວນພໍສົມຄວນໃນສະຫະຣັດ ຈະມີພູມຕ້ານທານ ຕໍ່ຕ້ານ ໂຄວິດ-19 ພຽງພໍ, ແລະຖ້າບໍ່ສັກວັກຊີນ, ຈະມີອີກຫຼາຍແສນຄົນທີ່ຈະຕ້ອງເສຍຊີວິດຍ້ອນ.
ຂ້ອຍໄດ້ຍິນວ່າວັກຊີນສາມາດເຮັດໃຫ້ເປັນໝັນໄດ້. ນີ້ແມ່ນເລື່ອງຈິງບໍ?
ຕອນນີ້ ບໍ່ມີຫຼັກຖານຫຍັງເລີຍ ວ່າວັກຊີນໃດໆ, ລວມທັງວັກຊີນ ໂຄວິດ-19, ທີ່ຈະສ້າງບັນຫາທາງດ້ານການຈະເລີນພັນ. ຖ້າທ່ານກຳລັງພະຍາຍາມມີລູກ, ທ່ານບໍ່ຈຳເປັນຕ້ອງຫຼີກລ້ຽງການຖືພານັ້ນ ຫຼັງຈາກໄດ້ສັກວັກຊີນ ໂຄວິດ-19 ແລ້ວ.
ຂ້ອຍໄດ້ຕິດເຊື້ອ ໂຄວິດ-19 ມາແລ້ວ. ຂ້ອຍຍັງຕ້ອງສັກວັກຊີນຢູ່ບໍ?
ແມ່ນ, ທ່ານຍັງຄວນຕ້ອງສັກຢູ່. ຫຼັງຈາກທ່ານໄດ້ຫາຍຈາກໂຣດພະຍາດ ໂຄວິດ19, ນັກວິທະຍາສາດຍັງບໍ່ທັນຮູ້ເທື່ອ ວ່າທ່ານຈະສາມາດຕໍ່ຕ້ານເຊື້ອ ໂຄວິດ-19 ດົນປານໃດໄດ້ ຈົນກວ່າມີໂອກາດຕິດອີກ.
ຂ້ອຍຕ້ອງມີສັນຊາດສະຫະຣັດອາເມຣິກາກ່ອນທີ່ຈະສັກວັກຊີນ ໂຄວິດ-19 ໄດ້ບໍ?
ບໍ່. ວັກຊີນ ໂຄວິດ-19 ມີໃຫ້ເພື່ອທຸກຄົນ, ບໍ່ວ່າຈະມີສະຖານະທາງສັນຊາດໃດໆ ກໍຕາມ.
ວັກຊີນ ໂຄວິດ-19 ມີຄ່າໃຊ້ຈ່າຍຫຍັງບໍ?
ວັກຊີນ ໂຄວິດ-19 ບໍ່ມີຄ່າໃຊ້ຈ່າຍຫຍັງເລີຍ (ຟຣີສຳລັບທຸກຄົນ), ວ່າຈະມີຫຼືບໍ່ມີປະກັນໄພກໍຕາມ.
loLao